ഗാന്ധിജി പഠിപ്പിച്ച മൂല്യങ്ങള്‍ പുനസ്ഥാപിക്കാന്‍ കാലഘട്ടം ആവശ്യപ്പെടുന്നുവെന്നു ശശി തരൂര്‍ എംപി
ഇരിങ്ങാലക്കുട: ജാതി രാഷ്ട്രീയവും മതരാഷ്ട്രീയവും തലപൊക്കി കൊണ്ടിരിക്കുന്ന ഈ കാലഘട്ടത്തില്‍ മഹാത്മാഗാന്ധി പ്രചരിപ്പിച്ച മൂല്യങ്ങള്‍ പുനഃസ്ഥാപിക്കാന്‍ കാലഘട്ടം ആവശ്യപ്പെടുന്നുവെന്നു ശശി തരൂര്‍ എംപി പറഞ്ഞു. ലോകത്തെ ആകമാനം സ്വാധീനിച്ച ഇന്ത്യയുടെ രാഷ്ട്രപിതാവ് മഹാത്മാഗാന്ധി ഇരിങ്ങാലക്കുടയില്‍ എത്തിയതിന്റെ തൊണ്ണൂറു വര്‍ഷം ആകുന്നതിനോടനുബന്ധിച്ച് സാമൂഹ്യ സാംസ്‌കാരിക സന്നദ്ധ സംഘടനയായ നീഡ്‌സിന്റെ ആഭിമുഖ്യത്തില്‍ മഹാത്മാ പാദമുദ്ര അറ്റ് തൊണ്ണൂറ് എന്ന പേരില്‍ ഒരു വര്‍ഷം നീണ്ടു നില്‍ക്കുന്ന നവതി ആഘോഷ പരിപാടികളുടെ ഉദ്ഘാടനം നിര്‍വഹിക്കുകയായിരുന്നു അദ്ദേഹം. മഹാത്മാഗാന്ധി സ്വപ്നം കണ്ട ഭാരതമല്ല ഇന്നത്തേത്. ജാതിയും മതവും നോക്കാതെ എല്ലാവര്‍ക്കും ഒപ്പം ജീവിച്ച ഗാന്ധിജി ഓരോ ഭാരതീയന്റെയും ഉന്നമനമാണ് ലക്ഷ്യമിട്ടത്. അതില്‍ നിന്നും വ്യതിയാനം സംഭവിച്ചുകൊണ്ടിരിക്കുന്നതായും അദ്ദേഹം പറഞ്ഞു. നീഡ്‌സ് പ്രസിഡന്റ് തോമസ് ഉണ്ണിയാടന്‍ അധ്യക്ഷത വഹിച്ചു. ഡോ. ബോബി ജോസ്, ഗുലാം മുഹമ്മദ്, കെ.പി. ദേവദാസ്, പ്രഫ. ആര്‍. ജയറാം, മുഹമ്മദലി കറുകതല, എം.എന്‍. തമ്പാന്‍, പി.ടി. ജോര്‍ജ്, ഡോ.കെ. ശ്രീകുമാര്‍, എസ്. ബോസ്‌കുമാര്‍, സി.എസ്. അബ്ദുല്‍ഹക്ക്, പി.ആര്‍. സ്റ്റാന്‍ലി എന്നിവര്‍ പ്രസംഗിച്ചു. നേരത്തെ സര്‍ക്കാര്‍ അതിഥിമന്ദിരം സ്ഥിതിചെയ്യുന്ന ഭൂമിയില്‍ സ്ഥാപിച്ചിട്ടുള്ള ഗാന്ധിപ്രതിമയ്ക്ക് മുന്നില്‍ അദ്ദേഹം പുഷ്പാര്‍ച്ചന നടത്തി.
About Author
കരൂപ്പടന്ന എന്‍എസ്എസ് വളണ്ടിയര്‍മാര്‍ പല്ലൊട്ടി സിനിമയുടെ അണിയറ പ്രവര്‍ത്തകരുമായി സംവദിച്ചു 
വാര്‍ഡ് വിഭജനം; കരട് വിജ്ഞാപനമായി; ഇരിങ്ങാലക്കുട നഗരസഭയില്‍ ഇനി 43 വാര്‍ഡുകള്‍ 
കരുതിയിരിക്കുക, ഓണ്‍ലൈന്‍ തട്ടിപ്പുകളില്‍ വീഴരുതേ……ആദ്യം ഫോണ്‍ വിളി, താങ്ങളുടെ പേരില്‍ ക്രൈം കേസുകളുണ്ടെന്നു മുന്നറിയിപ്പ് 
നഗരസഭയുടെ ഭരണപരാജയം; ആം ആദ്മി പാര്‍ട്ടി പന്തംകൊളുത്തി പ്രകടനം നടത്തി 
മുനമ്പം ജനതയുടെ റവന്യൂ അവകാശങ്ങള്‍ പുന:സ്ഥാപിക്കും വരെ സമരം തുടരും സി.എല്‍.സി. 
മണ്ണിനടിയിലെ മൃതദേഹങ്ങള്‍ മണത്തറിയും; നായപരിശീലകര്‍ക്ക് പരിശീലനവുമായി കെ. നയന്‍ സ്‌ക്വാഡ് 
