ഓരോ ക്ലാസിനും അക്കാദമിക് മാസ്റ്റര്‍പ്ലാനുമായി വടക്കുംകര ജിയുപി
ഇരിങ്ങാലക്കുട: വടക്കുംകര ഗവ. യുപി സ്‌കൂളില്‍ ഓരോ ക്ലാസിനും അക്കാദമിക് മാസ്റ്റര്‍പ്ലാന്‍ തയ്യാറായി. സ്വയംപര്യാപ്ത ക്ലാസ് മുറികള്‍ സജ്ജീകരിച്ച് കഴിഞ്ഞവര്‍ഷം സംസ്ഥാനത്ത് ശ്രദ്ധിക്കപ്പെട്ട പ്രവര്‍ത്തനങ്ങളുടെ തുടര്‍ച്ചയാണ് പദ്ധതി. ഈ അധ്യയന വര്‍ഷം ഓരോ ക്ലാസ് പിടിഎയും മുന്‍കൈയെടുത്ത് നടപ്പിലാക്കുന്ന അക്കാദമി പ്രവര്‍ത്തനങ്ങളും സാമൂഹിക ഇടപെടലുകളുമാണ് പദ്ധതിയിലുള്ളത്. ക്ലാസുതല ദിനാചരണങ്ങള്‍, ഫീല്‍ഡ് ട്രിപ്പുകള്‍, ക്ലാസ് വാര്‍ഷികം, ക്ലാസുതല സെമിനാറുകള്‍, വിലയിരുത്തലുകള്‍ എന്നിവയെല്ലാം പദ്ധതിയില്‍ ഉള്‍ക്കൊള്ളിച്ചിട്ടുണ്ട്. ക്ലാസിലെ രക്ഷിതാക്കളുടെ കമ്മിറ്റിയായ സിപിടിഎയുടെ നേതൃത്വത്തില്‍ നടന്ന ശില്‍പശാലകളിലാണ് അക്കാദമിക് മാസ്റ്റര്‍പ്ലാന്‍ തയ്യാറാക്കിയത്. കുട്ടികളുടെ വായനയടക്കം പ്രോത്സാഹിപ്പിക്കാനുള്ള പ്രവര്‍ത്തനങ്ങളാണ് ഇതില്‍ ഉള്‍ക്കൊള്ളിച്ചിട്ടുള്ളത്. കല്‍പ്പറമ്പ് വടക്കുംകര ഗവ. യുപി സ്‌കൂളില്‍ ചേര്‍ന്ന ചടങ്ങില്‍ ഉപജില്ലാ വിദ്യാഭ്യാസ ഓഫീസര്‍ ഡോ.എം.സി. നിഷയ്ക്ക് നല്‍കി എഎംപികളുടെ ഡയറ്റ് ഫാക്കല്‍റ്റി സനോജ് രാഘവന്‍ പ്രകാശിപ്പിച്ചു. പ്രധാന അധ്യാപകന്‍ ടി.എ. സജീവന്‍ അധ്യക്ഷനായി. വി.കെ. അഞ്ജലി, ജസ്റ്റിന് ജോസ് എന്നിവര്‍ സംസാരിച്ചു.
About Author
കരൂപ്പടന്ന എന്‍എസ്എസ് വളണ്ടിയര്‍മാര്‍ പല്ലൊട്ടി സിനിമയുടെ അണിയറ പ്രവര്‍ത്തകരുമായി സംവദിച്ചു 
സെന്റ് ജോസഫ്‌സ് കോളജിലെ സുവോളജി വിഭാഗം ശില്‍പ്പശാല സംഘടിപ്പിച്ചു 
ടൂര്‍ണ്ണമെന്റില്‍ ജേതാക്കളായ കാരുമാത്ര ഗവ. യുപി സ്‌കൂള്‍ ഫുട്‌ബോള്‍ ടീമിനെ അനുമോദിച്ചു 
ഐടി മേളയില്‍ രണ്ടാം സ്ഥാനം എ ഗ്രേഡ് നേടിയ ജെസ്‌ലെറ്റ് ജോബി 
ഇരിങ്ങാലക്കുട ഗവ. എല്‍പി സ്‌കൂളില്‍ കിഡ്‌സ് ഫെസ്റ്റ് നടത്തി 
സെന്റ് ജോസഫ്‌സ് കോളജില്‍ ഫിസിക്‌സ് വിഭാഗം, ഐഎസ്ആര്‍ഒ സ്‌പേസ് എക്‌സ്‌പോ ഒരുക്കി 
