ഭാവഗായകന് ഇരിങ്ങാലക്കുടയുടെ സ്നേഹാദരം
ഇരിങ്ങാലക്കുട: ഓണത്തോടനുബന്ധിച്ച് ഇരിങ്ങാലക്കുട നിയോജകമണ്ഡല തലത്തില്‍ നടക്കുന്ന ഓണാഘോഷമായ വര്‍ണ്ണക്കുടയില്‍ മലയാളികളുടെ ഭാവഗായകനും ഇരിങ്ങാലക്കുടയുടെ പ്രിയപുത്രനുമായ പി. ജയചന്ദ്രന് സ്നേഹാദരം. ആലാപനസിദ്ധിയുടെയും നാദസൗന്ദര്യത്തിന്റെയും ഗന്ധര്‍വനെ, പാട്ടുകളുടെ രാജകുമാരനെ, ഇരിങ്ങാലക്കുട പൗരാവലിയുടെ നേതൃത്വത്തിലാണ് ആദരിച്ചത്. ഉന്നത വിദ്യാഭ്യാസ സാമൂഹ്യനീതി മന്ത്രി ഡോ. ആര്‍. ബിന്ദു ജയചന്ദ്രനെ പൊന്നാടയണിയിച്ചു ഉപഹാരം നല്‍കി. പദ്മശ്രീ പെരുവനം കുട്ടന്‍മാരാര്‍, മജീഷ്യന്‍ ഗോപിനാഥ് മുതുകാട്, ഉപ്പുംമുളക് ഫെയിം ശിവാനി തുടങ്ങിയവരും മണ്ഡലത്തിലെ തദ്ദേശസ്വയംഭരണ സ്ഥാപനങ്ങളുടെ അധ്യക്ഷന്മാരും ചടങ്ങില്‍ പങ്കെടുത്തു. ആദരിക്കല്‍ ചടങ്ങിന് ശേഷം പി. ജയചന്ദ്രന്റെ ഭാവഗീതങ്ങള്‍ ഉള്‍ക്കൊള്ളിച്ചുള്ള ജയരാജ് വാര്യരുടെ ജയചന്ദ്രിക ഗാനമേളയും ഉണ്ടായിരുന്നു. ഭാവഗായകനെ ഒന്നു നേരില്‍ക്കാണാനും സ്നേഹാദര സദസില്‍ പങ്കെടുക്കാനും നൂറുകണക്കിനാളുകളാണ് ചടങ്ങില്‍ എത്തിച്ചേര്‍ന്നത്.
About Author
കരൂപ്പടന്ന എന്‍എസ്എസ് വളണ്ടിയര്‍മാര്‍ പല്ലൊട്ടി സിനിമയുടെ അണിയറ പ്രവര്‍ത്തകരുമായി സംവദിച്ചു 
സെന്റ് ജോസഫ്‌സ് കോളജിലെ സുവോളജി വിഭാഗം ശില്‍പ്പശാല സംഘടിപ്പിച്ചു 
നാദോപാസന സംഘടിപ്പിച്ച സോപാന സംഗീതോത്സവം സമാപിച്ചു 
കേരള വ്യാപാരി വ്യവസായി ഏകോപനസമിതി എം.ഓ. ജോണ്‍ ഓര്‍മ്മദിനം ആചരിച്ചു 
നവജാതശിശു സംരക്ഷണ വാരാചരണത്തിന് തുടക്കമായി 
ഇരിങ്ങാലക്കുട ഗവ. എല്‍പി സ്‌കൂളില്‍ കിഡ്‌സ് ഫെസ്റ്റ് നടത്തി 
