കുതിരത്തടത്ത് ലഹരി പുനരധിവാസ കേന്ദ്രം ഉദ്ഘാടനം ചെയ്തു
ഇരിങ്ങാലക്കുട: മദ്യത്തിനും ലഹരിമരുന്നിനും അടിമപ്പെട്ടവരുടെ മോചനത്തിനായുള്ള ഇരിങ്ങാലക്കുട രൂപതയുടെ സാമൂഹിക ഇടപെടലുകളുടെ ഭാഗമായി കുതിരത്തടം മതിയത്തുകുന്ന് പ്രദേശത്ത് ചൈതന്യ പുനരധിവാസകേന്ദ്രം ബിഷപ് മാര് പോളി കണ്ണൂക്കാടന് ഉദ്ഘാടനം ചെയ്തു. രൂപതയുടെ 45 ാം വാര്ഷികാഘോഷത്തിന്റെ ഭാഗമായിട്ടാണ് പുതിയ സംരംഭം. രൂപതയുടെ കീഴില് ഇപ്പോള് പ്രവര്ത്തിച്ചുകൊണ്ടിരിക്കുന്ന ആളൂര് നവചൈതന്യ, ആനന്ദപുരം സാന്ജോ സദന് എന്നീ ലഹരിവിമുക്ത കേന്ദ്രങ്ങളുടെ അനുബന്ധമായാണ് പുതിയ കേന്ദ്രവും ആരംഭിച്ചിട്ടുള്ളത്. ലഹരിയോട് വിട പറഞ്ഞ് രണ്ടു കേന്ദ്രങ്ങളില് നിന്നും പുറത്തു വരുന്നവര്ക്ക് താല്ക്കാലികമായി താമസിക്കാനും ആരോഗ്യകരമായ ശാരീരികമാനസികാവസ്ഥയും കാഴ്ചപ്പാടും വീണ്ടെടുക്കാനും സഹായിക്കുകയാണ് ലക്ഷ്യം. അതിനുവേണ്ടി വിവിധ തരം ശാരീരിക, മാനസിക പരിശീലനങ്ങളും കൃഷിയുള്പ്പെടെ സ്വയം തൊഴില് സംരംഭങ്ങള്ക്കുള്ള സൗകര്യവും ഇവിടെയുണ്ടാകും. ആരംഭത്തില് 15 പേര്ക്കായിരിക്കും ചൈതന്യ പുനരധിവാസ കേന്ദ്രത്തില് പ്രവേശനം. മൂന്നു മാസം വരെ ഒരാള്ക്ക് ഇവിടെ താമസിക്കാം. ചൈതന്യ പുനരധിവാസ കേന്ദ്രത്തിന്റെ വെഞ്ചരിപ്പും ഉദ്ഘാടനവും രൂപതാദിനത്തോടനുബന്ധിച്ചാണ് നടത്തിയത്. വികാരി ജനറാള് മോണ്. ജോയ് പാലിയേക്കര, ഫാ. വര്ഗീസ് പാത്താടന്, ചൈതന്യ പുനരധിവാസ കേന്ദ്രം ഡയറക്ടര് ഫാ. പോളി കണ്ണൂക്കാടന്, പാവനാത്മ പ്രൊവിന്ഷ്യല് സിസ്റ്റര് എല്സി കോക്കാട്ട്, വാര്ഡ് മെമ്പര് അഡ്വ. അരുണ് എന്നിവര് പ്രസംഗിച്ചു.

37-ാമത് ഉപജില്ലാ സ്കൂള് കലോത്സവത്തില് മികച്ച വിജയം കരസ്ഥമാക്കി മൂര്ക്കനാട് സെന്റ് ആന്റണീസ് എല്പി സ്കൂള്
ഐടിയു ബാങ്ക്; തോമസ് ഉണ്ണിയാടന് എംഎല്എ ആര്ബിഐ റീജണല് ഡയറക്ടറുമായി കൂടിക്കാഴ്ച നടത്തി
ഗാര്ഹിക പീഡനങ്ങള്ക്കെതിരെ സ്ത്രീകള്ക്ക് ശബ്ദമുയര്ത്താം; സ്പീക് അപ്പ് പദ്ധതിക്ക് തൃശൂര് റൂറല് ജില്ലയില് തുടക്കമായി
ക്രൈസ്റ്റ് കോളജ് ആതിഥേയരായ ആര്ട്സ് കേരള കലോത്സവം സമാപിച്ചു
സെന്റ് ജോസഫ്സ് കോളജില് സെലെസ്റ്റാ സെസ്റ്റ് 2കെ26 സംഘടിപ്പിച്ചു
ഡോ. കെ.എന്. പിഷാരടി സ്മാരക കഥകളി ക്ലബ് ഒരുക്കിയ നവ്യം 2026ല് അശോകവനികാങ്കം കൂടിയാട്ടം അരങ്ങേറി