മദ്യലഹരിയില്‍ ആക്രമിച്ച് പരിക്കേല്‍പ്പിച്ചു; ബന്ധു അറസ്റ്റില്‍
സന്ദീപ്.
ഇരിങ്ങാലക്കുട: മദ്യലഹരിയില്‍ യുവാവിനെ ആക്രമിച്ച് പരിക്കേല്‍പ്പിച്ച സംഭവത്തില്‍ ബന്ധു അറസ്റ്റില്‍. ഇരിങ്ങാലക്കുട കനാല്‍ ബേസ് സ്വദേശി അരിക്കാട്ടുപറമ്പില്‍ വീട്ടില്‍ സന്ദീപ് (45) നെയാണ് അറസ്റ്റ് ചെയ്തത്. അരിക്കാട്ടുപറമ്പില്‍ വീട്ടില്‍ ഹിരേഷ് (39 ) നാണ് പരിക്കേറ്റത്. കഴിഞ്ഞ ദിവസം രാത്രി ഇരിങ്ങാലക്കുട കനാല്‍ ബേസിലുള്ള വീടിന് മുന്നില്‍ വച്ച് മദ്യപിച്ചതിനെ തുടര്‍ന്നുണ്ടായ തര്‍ക്കത്തെ തുടര്‍ന്നുള്ള വൈരാഗ്യത്താല്‍ തടഞ്ഞ് നിര്‍ത്തി കത്തി കൊണ്ട് ആക്രമിച്ച് പരിക്കേല്‍പ്പിക്കുകയായിരുന്നു.
ഹിരേഷിന്റെ അമ്മയുടെ ബന്ധുവാണ് സന്ദീപ്. സംഭവത്തില്‍ പരിക്കേറ്റ് റോഡില്‍ കിടക്കുകയായിരുന്ന ഹിരേഷിനെ പോലീസ് ചെന്നാണ് ആശുപത്രിയിലേക്ക് കൊണ്ട് പോയത്. ഇരിങ്ങാലക്കുട ആശുപത്രിയില്‍ പ്രാഥമിക ചികില്‍സ നല്‍കിയ ശേഷം വിദഗ്ദ ചികില്‍സക്കായി തൃശൂര്‍ മെഡിക്കല്‍ കോളജില്‍ പ്രവേശിപ്പിച്ചു. ഇരിങ്ങാലക്കുട പോലീസ് സ്റ്റേഷന്‍ ഇന്‍സ്‌പെക്ടര്‍ എം.എസ്. ഷാജന്‍, സബ് ഇന്‍സ്‌പെക്ടര്‍ കൃഷ്ണപ്രസാദ്, ജിഎഎസ്ഐ മാരായ ഷാബു, ഗോപകുമാര്‍, ജി.എസ്.സി.പി.ഒ മാരായ മുരുകദാസ്, ദേവേഷ്, സവീഷ്, ദിനുലാല്‍ എന്നിവര്‍ ചേര്‍ന്നാണ് പ്രതിയെ അറസ്റ്റ് ചെയ്തത്.
About Author
ഇരിങ്ങാലക്കുട ജുഡീഷ്യല്‍ മജിസ്‌ട്രേറ്റ് കോടതി തകര്‍ന്നു വീഴാറായ കെട്ടിടത്തില്‍ 
ക്രൈസ്റ്റ് കോളജ് എന്‍എസ്എസ് യൂണിറ്റ് എയ്ഡ്‌സിനെതിരെ ബോധവത്കരണ റാലിയും ഫ്‌ലാഷ്മോബും സംഘടിപ്പിച്ചു 
ജനറല്‍ ആശുപത്രിയിലെ മതിലിന്റെയും ഗേറ്റ് വേയുടെയും നിര്‍മാണം ആരംഭിച്ചു 
പോലീസുദ്ദ്യോഗസ്ഥന്റെ ഡ്യൂട്ടി തടസ്സപ്പെടുത്തി; സ്റ്റേഷന്‍ റൗഡി അറസ്റ്റില്‍ 
സെന്റ് ജോസഫ്‌സ് കോളജില്‍ സാമ്പത്തികശാസ്ത്ര വകുപ്പ് അസോസിയേഷന്‍ ഉദ്ഘാടനം 
യുഡിഎഫ് കൂടുതല്‍ ശക്തവും കെട്ടുറപ്പുള്ളതു ആക്കണം- അഡ്വ. തോമസ് ഉണ്ണിയാടന്‍ 
