യൂത്തിനെതോല്‍പ്പിക്കുന്ന ഫാഷന്‍ ഷോയുമായി അപ്പൂപ്പന്മാരും അമ്മൂമ്മമാരും
ഇരിങ്ങാലക്കുട ക്രൈസ്റ്റ് കോളജില്‍ തവനീഷ് സംഘടിപ്പിച്ച നിറം 2025 ഫാഷന്‍ ഷോയില്‍ റാംപിലെത്തിയ 83 കാരന്‍ രാജന്‍.
ഇരിങ്ങാലക്കുട: അപ്പൂപ്പന്മാരേയും അമ്മൂമ്മമാരെയും തോല്‍പ്പിക്കാനാവില്ല മക്കേള…അറുപതുവയസ് പിന്നിട്ട അപ്പുപ്പന്മാരുടെയും അമ്മൂമ്മമാരുടെയും വാക്കുകളാണിത്. പ്രായമെന്നാല്‍ വെറും അക്കങ്ങള്‍ മാത്രമാണെന്ന് വിളിച്ചോതുന്നതായിരുന്നു ഇരിങ്ങാലക്കുട ക്രൈസ്റ്റ് കോളജില്‍ തവനീഷ് സംഘടിപ്പിച്ച നിറം 2025 ഫാഷന്‍ ഷോ. ആത്മവിശ്വാസം സ്ഫുരിക്കുന്ന മുഖഭാവത്തോടെ പേരക്കുട്ടികളുടെ പ്രായമുള്ള വിദ്യാര്‍ഥികളുടെ കൈപിടിച്ച് കാണികളെ അഭിവാദ്യംചെയ്ത് മന്ദം മന്ദം നടന്നുവരുന്ന അപ്പൂപ്പന്മാരെയും അമ്മൂമ്മമാരെയും കണ്ടപ്പോള്‍ കാമ്പസില്‍ അവേശം അലതല്ലി. റാംപിലെത്തിയ 83 കാരന്‍ രാജന്‍ സദസിന്‍റെ സവിശേഷശ്രദ്ധ പിടിച്ചുപറ്റി
. സംഗീതത്തോടൊപ്പം ഇവരില്‍ പലരും തിമിര്‍ത്താടുകയായിരുന്നു.
ടെലവിഷന്‍ അവതാരകയും റേഡിയോ ജോക്കിയുമായ ലക്ഷ്മി നക്ഷത്ര പരിപാടി ഉദ്ഘാടനംചെയ്തു. അതിഥികളായി മേക്കപ്പ് ആര്‍ട്ടിസ്റ്റും മോഡലുമായ ജിജോ ജോ, അന്താരാഷ്ട്ര മോഡല്‍ സ്റ്റെഫി മാത്യു എന്നിവര്‍ പങ്കെടുത്തു. പ്രിന്‍സിപ്പല്‍ റവ.ഡോ. ജോളി ആന്‍ഡ്രൂസ് അധ്യക്ഷതവഹിച്ചു. മാനേജര്‍ ഫാ. ജോയ് പീണിക്കപ്പറമ്പില്‍ അനുഗ്രഹപ്രഭാഷണം നടത്തി. ഇരിങ്ങാലക്കുട തഹസില്‍ദാര്‍ സിമീഷ് സാബു മുഖ്യാതിഥിയായി. തൃശൂര്‍ ജില്ലയിലെ വിവിധ വൃദ്ധമന്ദിരങ്ങളില്‍നിന്നും പൊതുജനങ്ങളില്‍നിന്നുമായി 50 പേര്‍ പങ്കെടുത്തു.
About Author
ഇരിങ്ങാലക്കുട ജുഡീഷ്യല്‍ മജിസ്‌ട്രേറ്റ് കോടതി തകര്‍ന്നു വീഴാറായ കെട്ടിടത്തില്‍ 
ക്രൈസ്റ്റ് കോളജ് എന്‍എസ്എസ് യൂണിറ്റ് എയ്ഡ്‌സിനെതിരെ ബോധവത്കരണ റാലിയും ഫ്‌ലാഷ്മോബും സംഘടിപ്പിച്ചു 
ജനറല്‍ ആശുപത്രിയിലെ മതിലിന്റെയും ഗേറ്റ് വേയുടെയും നിര്‍മാണം ആരംഭിച്ചു 
പോലീസുദ്ദ്യോഗസ്ഥന്റെ ഡ്യൂട്ടി തടസ്സപ്പെടുത്തി; സ്റ്റേഷന്‍ റൗഡി അറസ്റ്റില്‍ 
സെന്റ് ജോസഫ്‌സ് കോളജില്‍ സാമ്പത്തികശാസ്ത്ര വകുപ്പ് അസോസിയേഷന്‍ ഉദ്ഘാടനം 
തൃശൂര്‍ റൂറല്‍ ജില്ലാ പോലീസ് ഓഫീസിനു കീഴിലുള്ള ഏഴു പോലീസ് ഉദ്യോഗസ്ഥര്‍ക്ക് മുഖ്യമന്ത്രിയുടെ പോലീസ് മെഡല്‍ പുരസ്‌കാരം 
