ഇരമ്പിയെത്തിയ പുലികള്‍ ആടിത്തിമിര്‍ത്തു..ആരവം മുഴക്കി പുരുഷാരം…
പുലിപൂരം... ഓണാഘോഷത്തോടനുബന്ധിച്ച് ഇരിങ്ങാലക്കുട നഗരത്തില്‍ ലെജന്റ്‌സ് ഓഫ് ഇരിങ്ങാലക്കുട സംഘടിപ്പിച്ച പുലിക്കളിയില്‍ മേളത്തിനൊത്ത് ചുവടുവക്കുന്ന പുലികള്‍....
ഇരിങ്ങാലക്കുട: നഗരത്തെ വിറപ്പിക്കാനെത്തിയ പുലിക്കൂട്ടത്തിന് കാടിനോളം വൈവിധ്യം. അരമണി കുലുക്കി, അലറി വിളിച്ച്, താളം ചവട്ടിയെത്തിയത് വരയന്‍പുലി, പുള്ളിപുലി, കരിമ്പുലി….അങ്ങിനെ വിവിധ പുലികള്‍ കൂട്ടമായി ഇന്നലെ വൈകീട്ട് ഇരിങ്ങാലക്കുട നഗരത്തിലിറങ്ങി. കൗതുകമുണര്‍ത്തി പെണ്‍പുലികളും അണിനിരന്നത് പുലികളിക്ക് ചാരുത പകര്‍ന്നു. ചെണ്ടയില്‍ വാദ്യ കലാകാരന്മാര്‍ പുലുത്താളവുമായി കൊട്ടികയറിയപ്പോള്‍ ജനം ആവേശനെറുകയിലെത്തി.
ലെജന്റ്‌സ് ഓഫ് ഇരിങ്ങാലക്കുടയുടെ ആഭിമുഖ്യത്തിലായിരുന്നു പുലിക്കളി ആഘോഷം. ഉച്ചതിരിഞ്ഞ് 2.30 ന് ടൗണ്‍ഹാള്‍ പരിസരത്ത് നിന്നും ആരംഭിച്ച പുലിക്കളി ആഘോഷ ഘോഷയാത്ര നഗരസഭ ചെയര്‍പേഴ്‌സണ്‍ മേരിക്കുട്ടി ജോയ്, പ്രവാസി വ്യവസായി സിന്‍സന്‍ ഫ്രാന്‍സീസ് തെക്കേത്തല, ഭാസി രാജ്, വ്യാപാരി വ്യവസായി ഏകോപനസമിതി പ്രസിഡന്റ് ഷാജു പാറേക്കാടന്‍ എന്നിവര്‍ ചേര്‍ന്ന് ഫ്‌ളാഗ് ഓഫ് ചെയ്തു.
പുലികളും, പുലിമേളവും, ശിങ്കാരിമേളവും, കാവടികളും, ചിന്ത് കാവടികളും അടക്കം 300 ല്‍പരം കലാകാരന്മാര്‍ അണി നിരന്ന വര്‍ണ്ണാഭമായ പുലിക്കളി ആഘോഷ ഘോഷയാത്ര ബസ് സ്റ്റാന്റ്, മെയിന്‍ റോഡ്, ഠാണാവ് വഴി വൈകിട്ട് ആറരയോടെ നഗരസഭ മൈതാനത്ത് എത്തിചേര്‍ന്നു. ഹേമന്ദിന്റെ ഡി.ജെ അടക്കം നിരവധി കലാപരിപാടികള്‍ നഗരസഭ മൈതാനത്ത് അരങ്ങേറി. പുലിക്കളി ആഘോഷ സമാപന സമ്മേളനം മുന്‍ ഗവ. ചീഫ് വിപ്പ് അഡ്വ. തോമസ് ഉണ്ണിയാടന്‍ ഉദ്ഘാടനം ചെയ്തു.
ലെജന്റ്‌സ് ഓഫ് ഇരിങ്ങാലക്കുട പ്രസിഡന്റ് ലിയോ താണിശ്ശേരിക്കാരന്‍ അധ്യക്ഷത വഹിച്ചു. ജനറല്‍ കണ്‍വീനര്‍ ഷാജന്‍ ചക്കാലക്കല്‍ സ്വാഗതവും, കണ്‍വീനര്‍ സൈഗണ്‍ തയ്യില്‍ നന്ദിയും പറഞ്ഞു. നഗരസഭ ചെയര്‍പേഴ്‌സണ്‍ മേരിക്കുട്ടി ജോയ്, നഗരസഭ വൈസ് ചെയര്‍മാന്‍ ബൈജു കുറ്റിക്കാടന്‍, പ്രതിപക്ഷ നേതാവ് അഡ്വ. കെ.ആര്‍ വിജയ, ബി.ജെ.പി സൗത്ത് ജില്ല ജനറല്‍ സെക്രട്ടറി കൃപേഷ് ചെമ്മണ്ട, ജോണ്‍സന്‍ കോലങ്കണ്ണി, സാമൂഹിക പ്രവര്‍ത്തകന്‍ വിപിന്‍ പാറമേക്കാട്ടില്‍ എന്നിവര്‍ സംസാരിച്ചു.
About Author
കത്തീഡ്രലില്‍ വിശുദ്ധ കുരിശിന്റെ പുകഴ്ചയുടെ തിരുനാളും കപ്പേളകളുടെ വെഞ്ചരിപ്പുകര്‍മവും 14ന് 
ക്രൈസ്റ്റ് വിദ്യാനികേതന്‍ ഇന്റര്‍ സ്‌കൂള്‍ ടേബിള്‍ ടെന്നീസ് ടൂര്‍ണമെന്റ്; ഡോണ്‍ബോസ്‌കോ സ്‌കൂളിന് വിജയം 
ജീവിതം പ്രതിസന്ധിയിലായ കാറളം സ്വദേശിയായ യുവ ക്ഷീര കര്‍ഷകന് തുണയായി കേരള ഫീഡ്‌സ്; ഡൊണേറ്റ് എ കൗ പദ്ധതിയില്‍ ഉള്‍പ്പെടുത്തി പശുവിനെ കൈമാറി 
ഇരിങ്ങാലക്കുട രൂപത ദിനം കാലത്തിന്റെ അടയാളങ്ങള്‍ ക്രൈസ്തവ സമൂഹം തിരിച്ചറിയണം: ഡോ. അംബ്രോസ് പുത്തന്‍വീട്ടില്‍ 
അഖിലന്ത്യോ സര്‍വ്വീസസ് മീറ്റില്‍ ട്രിപ്പില്‍ ജമ്പില്‍ വെള്ളാനി സ്വദേശി വി.എസ്. സെബാസ്റ്റ്യന് ഗോള്‍ഡ് മെഡല്‍ 
സംസ്ഥാന അധ്യാപക അവാര്‍ഡ് നേടിയ എം. സുധീറിനെ മുന്‍ സര്‍ക്കാര്‍ ചീഫ് വിപ്പ് അഡ്വ. തോമസ് ഉണ്ണിയാടന്‍ അഭിനന്ദിച്ചു