അഞ്ചു വര്‍ഷമായി ഒളിവില്‍ കഴിഞ്ഞ് വരികയായിരുന്ന പോക്‌സോ കേസ് പ്രതിയെ പിടികൂടി
രാജ്കുമാര്‍.
ആളൂര്‍: അഞ്ചു വര്‍ഷമായി ഒളിവില്‍ കഴിഞ്ഞ് വരികയായിരുന്ന പോക്‌സോ കേസ് പ്രതിയെ ചെന്നൈയില്‍ നിന്ന് പിടികൂടി. ചെന്നൈ കോടംമ്പക്കം ഭരതീശ്വര്‍ കോളനി സ്വദേശി രാജ്കുമാര്‍ (41) നെയാണ് പോലീസ് അറസ്റ്റ് ചെയ്തത്. 2019 ല്‍ അവിട്ടത്തൂര്‍ ഉള്ള വാടക വീട്ടില്‍ വച്ച് ഭാര്യയുടെ ആദ്യ വിവാഹത്തിലുള്ള 16 വയസുള്ള പെണ്‍കുട്ടിയെ പലതവണ ലൈഗികമായി ഉപദ്രവിച്ചതിന് ആളൂര്‍ പോലീസ് സ്റ്റേഷനില്‍ രജിസ്റ്റര്‍ ചെയ്ത കേസിലെ പ്രതിയാണ്. പ്രതിയെ അറസ്‌റ് ചെയ്ത് കോടതിയില്‍ ഹാജരാക്കി റിമാന്റ് ചെയ്തിരുന്നു. കൊറോണ വ്യപനം നിയന്ത്രിക്കുന്നതിനായി ഇയാളെ കോടതി ജാമ്യത്തില്‍ വിട്ടയച്ചതിനെ തുടര്‍ന്ന് ഒളിവില്‍ പോകുകയും കേസിന്റെ വിചാരണ വേളകളില്‍ ഹാജരാക്കാത്തതിനാല്‍ കോടതി ഇയാളെ പിടികിട്ടപ്പുള്ളിയായി പ്രഖ്യാപിക്കുകയായിരുന്നു.
ജാമ്യം ലഭിച്ച സമയം കോടതിയില്‍ കൊടുത്ത വിലാസത്തില്‍ താമസിക്കാതെ പല സ്ഥലങ്ങളിലായി വാടകക്ക് താമസിച്ച് വരികയായിരുന്നു ഇയാള്‍. പ്രത്യേക അന്വേഷണ സംഘം നടത്തിയ ശാസ്ത്രീയമായ അന്വേഷണത്തില്‍ പ്രതിയെക്കുറിച്ച് നിര്‍ണ്ണായകമായ വിവരങ്ങള്‍ ലഭിച്ചതനുസരിച്ച് അന്വേഷണ സംഘം ചെന്നൈയില്‍ എത്തി. മൂന്ന് ദിവസം അവിടെ താമസിച്ച് നടത്തിയ അന്വേഷണത്തില്‍ ചെന്നൈയില്‍ നിന്നും 30 കിലോമീറ്റര്‍ അകലെയുള്ള സെമെഞ്ചേരി എന്ന സ്ഥലത്ത് തമിഴ്‌നാട് സര്‍ക്കാര്‍ സുനാമി പുനരധിവാസത്തിനായി പണി കഴിപ്പിച്ച മൂന്ന് നിലകളിലായി ഒരേ രൂപത്തിലുള്ള 5000 വിടുകള്‍ക്കിടയിലുള്ള ഒരു വീട്ടിലെ ഒരു മുറിയില്‍ വാടകയ്ക്കു താമസിച്ചു വരുന്നതിനിടയിലാണ് പ്രതിയെ അറസ്റ്റ് ചെയ്തത്. ആളൂര്‍ പോലീസ് സ്റ്റേഷന്‍ എസ്എച്ച്ഒ ബി. ഷാജിമോന്‍, എസ്ഐ ടി.എ. ജെയ്‌സണ്‍, സിപിഒമാരായ ഡാനിയേല്‍ സാനി, ഹരികൃഷ്ണന്‍, ആഷിക്ക് എന്നിവരാണ് പ്രത്യേക അന്വേഷണ സംഘത്തില്‍ ഉണ്ടായിരുന്നത്.
About Author
മയക്കുമരുന്നുമായി മൂന്നുപേര്‍ അറസ്റ്റില്‍ 
പ്രായപൂര്‍ത്തിയാകാത്ത അതിജീവിതയോട് ലൈംഗിക അതിക്രമം, പ്രതിക്ക് 78 വര്‍ഷം കഠിന തടവും, 115000 രൂപ പിഴയും ശിക്ഷ വിധിച്ചു 
ജനറല്‍ ആശുപത്രിയിലെ ഡോക്ടറുടെ ഡ്യൂട്ടി തടസപ്പെടുത്തി സെക്യൂരിറ്റി ജീവനക്കാരനെ ആക്രമിച്ച് ഭീകരാന്തരീക്ഷം സൃഷ്ടിച്ചു; സഹോദരന്മാരടക്കം മൂന്നു പേര്‍ അറസ്റ്റില്‍ 
യുവാവിനെ ഹെല്‍മറ്റ് കൊണ്ടടിച്ച് ആക്രമിച്ച് പരിക്കേല്‍പിച്ചു; പ്രതി അറസ്റ്റില്‍ 
കാര്‍ തട്ടിയതിനെ തുടര്‍ന്നുണ്ടായ തര്‍ക്കത്തില്‍ കാര്‍ യാത്രക്കാരനെ ആക്രമിച്ച കേസില്‍ രണ്ട് പ്രതികള്‍ അറസ്റ്റില്‍ 
കാപ്പ ലംഘിച്ച് ജില്ലയില്‍ പ്രവേശിച്ച കുപ്രസിദ്ധ ഗുണ്ട ജിന്റോ ജോണി അറസ്റ്റില്‍ 
