പ്രായപൂര്‍ത്തിയാകാത്ത അതിജീവിതയോട് ലൈംഗിക അതിക്രമം, പ്രതിക്ക് 78 വര്‍ഷം കഠിന തടവും, 115000 രൂപ പിഴയും ശിക്ഷ വിധിച്ചു
ഇബ്രാഹിം.
ഇരിങ്ങാലക്കുട: പ്രായപൂര്‍ത്തിയാകാത്ത പെണ്‍കുട്ടിയെ ലൈംഗികാതിക്രമത്തിന് വിധേയമാക്കിയ സംഭവത്തില്‍ പ്രതിക്ക് 78 വര്‍ഷം കഠിന തടവും 115000 രൂപ പിഴയും ശിക്ഷ വിധിച്ചു. എസ്എന്‍ പുരം ചെന്തെങ്ങ് ബസാര്‍ സ്വദേശി പൈനാട്ട് പടി വീട്ടില്‍ ഇബ്രാഹിമി (64) നെയാണ്, പോക്‌സോ നിയമം, ഇന്ത്യന്‍ ശിക്ഷാ നിയമം എന്നിവയിലെ വിവിധ വകുപ്പുകളിലായി ശിക്ഷ വിധിച്ചത്. വടക്കാഞ്ചേരി ഫാസ്റ്റ് ട്രാക്ക് സ്‌പെഷ്യല്‍ (പോക്‌സോ) കോടതി ജഡ്ജ് ആര്‍. മിനിയാണ് ശിക്ഷ വിധിച്ചത്. പിഴ തുക അതിജീവിതക്ക് നല്‍കുന്നതിനും കൂടാതെ കേസിന്റെ സ്വഭാവം പരിഗണിച്ച് ഈ സംഭവം മൂലം അതിജീവിതയ്ക്ക് സംഭവിച്ച മാനസിക ശാരീരികാഘാതങ്ങള്‍ക്കും പുനരധിവാസത്തിനുമായി കേരള വിക്ടിം കംപന്‍സേഷന്‍ സ്‌കീം പ്രകാരം നഷ്ടപരിഹാരം നല്‍കുന്നതിന് ജില്ലാ ലീഗല്‍ സര്‍വീസസ് അതോറിറ്റി, തൃശൂര്‍ എന്നിവര്‍ക്ക് നിര്‍ദേശം നല്‍കിയിട്ടുണ്ട്.
2023 വര്‍ഷത്തില്‍ ജൂണ്‍ മാസം മുതല്‍ ജൂലൈ മാസം വരെയുള്ള കാലയളവിലാണ് പ്രതി പലതവണകളിലായി അതിജീവിതയെ ലൈംഗികമായി പീഡിപ്പിച്ചുവെന്നാണ് പ്രോസിക്യൂഷന്‍ കേസ്. ഇരിങ്ങാലക്കുട പോലീസ് സ്റ്റേഷന്‍ അന്നത്തെ എസ്എച്ച്ഒ ആയിരുന്ന അനീഷ് കരീം, സബ് ഇന്‍സ്‌പെക്ടര്‍ ആയിരുന്ന എം.എസ്. ഷാജന്‍, ജിഎസ്‌ഐ കെ.ആര്‍. സുധാകരന്‍, വനിതാ പോലീസ് സ്റ്റേഷന്‍ എസ്‌ഐ കൃഷ്ണ പ്രസാദ് എന്നിവരാണ് അന്വേഷണ സംഘത്തിലുണ്ടായിരുന്നത്. എസ്എച്ച്ഒ അനീഷ് കരീം ആണ് അന്വേഷണം പൂര്‍ത്തിയാക്കി പ്രതിക്കെതിരെ കുറ്റപത്രം സമര്‍പ്പിച്ചത്. പ്രോസിക്യൂഷനു വേണ്ടി സ്‌പെഷ്യല്‍ പബ്ലിക് പ്രോസിക്യൂട്ടര്‍ അഡ്വ.ഇ.എ സീനത്ത് ഹാജരായി. ജിഎഎസ്‌ഐ പി.ആര്‍. ഗീത, ഇരിങ്ങാലക്കുട സിപിഒ കൃഷ്ണദാസ് എന്നിവര്‍ പ്രോസിക്യൂഷന്‍ നടപടികള്‍ഏകോപിപ്പിച്ചു.
About Author
മയക്കുമരുന്നുമായി മൂന്നുപേര്‍ അറസ്റ്റില്‍ 
അഞ്ചു വര്‍ഷമായി ഒളിവില്‍ കഴിഞ്ഞ് വരികയായിരുന്ന പോക്‌സോ കേസ് പ്രതിയെ പിടികൂടി 
ജനറല്‍ ആശുപത്രിയിലെ ഡോക്ടറുടെ ഡ്യൂട്ടി തടസപ്പെടുത്തി സെക്യൂരിറ്റി ജീവനക്കാരനെ ആക്രമിച്ച് ഭീകരാന്തരീക്ഷം സൃഷ്ടിച്ചു; സഹോദരന്മാരടക്കം മൂന്നു പേര്‍ അറസ്റ്റില്‍ 
യുവാവിനെ ഹെല്‍മറ്റ് കൊണ്ടടിച്ച് ആക്രമിച്ച് പരിക്കേല്‍പിച്ചു; പ്രതി അറസ്റ്റില്‍ 
കാര്‍ തട്ടിയതിനെ തുടര്‍ന്നുണ്ടായ തര്‍ക്കത്തില്‍ കാര്‍ യാത്രക്കാരനെ ആക്രമിച്ച കേസില്‍ രണ്ട് പ്രതികള്‍ അറസ്റ്റില്‍ 
കാപ്പ ലംഘിച്ച് ജില്ലയില്‍ പ്രവേശിച്ച കുപ്രസിദ്ധ ഗുണ്ട ജിന്റോ ജോണി അറസ്റ്റില്‍ 
