മാപ്രാണം ഹോളിക്രോസ് തീര്‍ഥകേന്ദ്രത്തില്‍ തിരുനാളിന് കൊടിയേറി
മാപ്രാണം ഹോളിക്രോസ് പള്ളിയില്‍ കുരിശുമുത്തപ്പന്റെ തിരുനാളിനു കോട്ടപ്പുറം രൂപത ബിഷപ് മാര്‍ അംബ്രോസ് പുത്തന്‍വീട്ടില്‍ കൊടിയേറ്റുന്നു. വികാരി ഫാ. ജോണി മേനാച്ചേരി, അസിസ്റ്റന്റ് വികാരി ഫാ. ഡിക്‌സണ്‍ കാഞ്ഞൂക്കാരന് എന്നിവര് സമീപം.
മാപ്രാണം: ഹോളിക്രോസ് പള്ളിയില്‍ ചരിത്രപ്രസിദ്ധമായ മാപ്രാണം കുരിശുമുത്തപ്പന്റെ തിരുനാളിനു കൊടിയേറി. കോട്ടപ്പുറം രൂപത ബിഷപ് മാര്‍ അംബ്രോസ് പുത്തന്‍വീട്ടില്‍ കൊടിയേറ്റുകര്‍മം നിര്‍വഹിച്ചു. തുടര്‍ന്ന് നവനാളിലെ പ്രഥമ ദിവ്യബലിക്കും ബിഷപ്പ് കാര്‍മികനായി. 12 വരെയാണ് നവനാള്‍ ആചരിക്കുക. എല്ലാ ദിവസവും രാവിലെ 6.30ന് പള്ളിയില്‍ നവനാള്‍ ദിവ്യബലിയും വിശുദ്ധ കുരിശിന്റെ നൊവേനയും ഉണ്ടായിരിക്കും. വൈകീട്ട് 5.30ന് കുരിശിന്റെ കപ്പേളയില്‍ വിശുദ്ധ കുരിശിന്റെ നൊവേനയും ലദീഞ്ഞും നടക്കും. 13, 14 തിയതികളിലാണ് തിരുനാള്‍ ആഘോഷിക്കുന്നത്. 2026 ജനുവരി ആറ് വരെ മാപ്രാണം പള്ളി പ്രത്യേക തീര്‍ഥാടന കേന്ദ്രമായി പ്രവര്‍ത്തിക്കും. പള്ളിയുടെ ജൂബിലി കവാടത്തിലൂടെ പ്രവേശിച്ച് നിശ്ചിത വ്യവസ്ഥകള്‍ പാലിച്ച് പ്രാര്‍ഥിക്കുന്നവര്‍ക്ക് പൂര്‍ണദണ്ഡവിമോചനം തിരുസഭ അനുവദിച്ചിട്ടുണ്ട്. വികാരി ഫാ. ജോണി മേനാച്ചേരി, അസിസ്റ്റന്റ് വികാരി ഫാ. ഡിക്‌സണ്‍ കാഞ്ഞുക്കാരന്‍, ട്രസ്റ്റിമാരായ ജോണ്‍ പള്ളിത്തറ, ആന്റണി കള്ളാപറമ്പില്‍, ബിജു തെക്കേത്തല, പോളി പള്ളായി, പബ്ലിസിറ്റി കണ്‍വീനര്‍ സെബി കള്ളാപറമ്പില്‍, പുഷ്പകുരിശ് കണ്‍വീനര്‍ വിന്‍സെന്റ് നെല്ലേപ്പിള്ളി തുടങ്ങിയവര്‍ തിരുനാള്‍ ആഘോഷങ്ങള്‍ക്ക് നേതൃത്വം നല്‍കും.
About Author
കോണ്‍ഗ്രസ് കാട്ടൂര്‍ എട്ടാം വാര്‍ഡ് കമ്മിറ്റി ഓണ സന്ദേശ കുടുംബ സംഗമവും വീട്ടമ്മമാര്‍ക്ക് ഓണപ്പുടവ വിതരണവും നടത്തി 
ഓണം ആശംസാ കാര്‍ഡുകള്‍ ഒരുക്കിയ നിപ്മറിലെ ഭിന്നശേഷി വിദ്യാര്‍ഥികള്‍ക്ക് ഓണക്കോടി സമ്മാനിച്ച് മന്ത്രി ഡോ. ആര്‍. ബിന്ദു 
കുന്നോളം കുഞ്ഞോണം… കരൂപ്പടന്ന എന്‍എസ്എസ് വളണ്ടിയേഴ്‌സ് ഓട്ടിസം ബാധിച്ച കുട്ടികളോടൊപ്പം ഓണാഘോഷം 
മധുരം ജീവിതം ലഹരിവിരുദ്ധ ഓണാഘോഷം 
പോലീസ് അസോസിയേഷന്‍ സാന്ത്വന സദനിലെ സഹോദരങ്ങളുമൊത്ത് ഓണാഘോഷം സംഘടിപ്പിച്ചു 
റോഡിന് നടുവില്‍ അപകട ഗര്‍ത്തം 
