ഠാണാ- ചന്തക്കുന്ന് റോഡ് വികസനം ബൈറോഡ് ഭാഗം പൊതുമരാമത്ത് ടാറിടും
ഇരിങ്ങാലക്കുട ഠാണ- ജനറല്‍ ആശുപത്രി ഭാഗത്ത് കാനനിര്‍മാണം പൂര്‍ത്തിയാക്കി ടാറിടുന്നതിനു മുന്നോടിയായി മണ്ണിട്ട് നിരപ്പാക്കിയ ശേഷം മെറ്റല്‍ ഇട്ടിരിക്കുന്നു.
ഇരിങ്ങാലക്കുട: ഠാണ- ചന്തക്കുന്ന് വികസനത്തിന്റെ ഭാഗമായി ഇരിങ്ങാലക്കുട- കല്ലേറ്റുംകര റോഡില്‍ ജനറല്‍ ആശുപത്രി വരെയും ചന്തക്കുന്ന് ജംഗ്ഷന്‍ മുതല്‍ പടിഞ്ഞാറ് മൂന്നുപീടിക ഭാഗത്തേക്കുള്ള ഭാഗവും പൊതുമരാമത്ത് വകുപ്പ് ടാറിടും. ഠാണാ- ആശുപത്രി വരെയുള്ള ഭാഗത്ത് ഇരുവശത്തും കാനനിര്‍മാണവും ആശുപത്രി ഭാഗം മെറ്റല്‍ വിരിക്കലും പൂര്‍ത്തിയായി. എതിര്‍വശത്ത് കാന പണിതഭാഗത്ത് മണ്ണിട്ടശേഷം മെറ്റല്‍ വിരിച്ചു.
ടാറിടലിനു മുന്‍പ് വൈദ്യുതി ലൈനുകള്‍ മാറ്റിസ്ഥാപിക്കുന്ന നടപടികള്‍ നടന്നു വരികയാണ്. ചന്തക്കുന്ന്- മൂന്നുപീടിക റോഡിലെ കാനനിര്‍മാണത്തിനുശേഷം ടാറിടുമെന്ന് പിഡബ്ല്യുഡി അറിയിച്ചു. അതേസമയം പ്രധാനപ്പെട്ട തൃശൂര്‍- കൊടുങ്ങല്ലൂര്‍ സംസ്ഥാനപാതയിലെ നിര്‍മാണം കെഎസ്ടിപിയുടെ നേതൃത്വത്തിലാണ്. ഠാണ ജംഗ്ഷന്‍ മുതല്‍ പൂതംകുളം വരെ കെഎസ്ടിപി കാന നിര്‍മിക്കും.
അതിനുശേഷം മാത്രമേ സംസ്ഥാനപാതയില്‍ പൂതംകുളം മുതല്‍ ചന്തക്കുന്ന് സെന്റ് ജോസഫ്സ് കോളജ് ഇറക്കം വരെയുള്ള ഭാഗത്ത് വൈദ്യുതിക്കാലുകള്‍ നീക്കാനാകൂവെന്ന് കെഎസ്ടിപി അറിയിച്ചു. അതിനുള്ള വൈദ്യുതിക്കാലുകള്‍ എത്തിയിട്ടുണ്ട്. കൊടുങ്ങല്ലൂര്‍- ഷൊര്‍ണൂര്‍ സംസ്ഥാനപാത രണ്ടുവരിയിലാണ് കോണ്‍ക്രീറ്റിടുന്നത്.
ഇതില്‍ പൂതംകുളം തൊട്ട് ചന്തക്കുന്ന് സെന്റ് ജോസഫ്സ് കോളജ് ഇറക്കം വരെ 17 മീറ്റര്‍ വീതിയില്‍ നാലുവരിയായിട്ടാണ് നിര്‍മാണം. ഇതിന് 11 കോടി രൂപ ചെലവ് വരും. ഇതുമായി ബന്ധപ്പെട്ട് കെഎസ്ടിപി സര്‍ക്കാരിന് സമര്‍പ്പിച്ച പുതുക്കിയ എസ്റ്റിമേറ്റ് അംഗീകരിച്ച് അനുമതിയായി.
About Author
സമൂഹത്തിന് മാതൃകയായി ഇരിങ്ങാലക്കുടയിലെ കുടുംബശ്രീ; ലാഭവിഹിതം ചെലവഴിച്ചത് സാമൂഹികപ്രവര്‍ത്തനങ്ങള്‍ക്ക് 
അരിപ്പാലം സെന്റ് മേരീസ് ദേവാലയത്തില്‍പരിശുദ്ധ വേളാങ്കണ്ണിമാതാവിന്റെ തിരുനാള്‍ നാളെ 
നഗരസഭയിലെ ഹില്‍പാര്‍ക്കില്‍ ബയോ മൈനിംഗ് ആരംഭിച്ചു 
നേത്രദാന സമ്മതപത്രം കൈമാറി ജോയന്റ് കൗണ്‍സില്‍ 
വായനശാലക്ക് മന്ത്രി ഡോ. ആര്‍. ബിന്ദു പുസ്തകങ്ങള്‍ നല്‍കി 
യുവതിയെ പിന്തുടര്‍ന്ന് ശല്യം ചെയ്യല്‍; യുവാവായ പിടികിട്ടാപ്പുള്ളിയെ എറണാകുളത്ത് നിന്ന് അറസ്റ്റ് ചെയ്തു 
