എഴുത്തുകൊണ്ട് തിരിച്ചു പിടിക്കേണ്ടത് സാംസ്‌ക്കാരിക തനിമയെ -ടെന്‍സിന്‍ സ്യുണ്ട്യു
ഇരിങ്ങാലക്കുട സെന്റ് ജോസഫ്‌സ് കോളജിലെ ഇംഗ്ലീഷ് അസോസിയേഷന്‍ ഡേ ഉദ്ഘാടനം ടിബറ്റന്‍ കവി ടെന്‍സിന്‍ സ്യുണ്ട്യു നിര്‍വഹിക്കുന്നു.
ഇരിങ്ങാലക്കുട: എഴുതുന്നത് മറവിയിലേക്കു തള്ളിവിടപ്പെട്ടു കൊണ്ടിരിക്കുന്ന ഒരു നാടിന്റെ സംസ്‌ക്കാരവും ഭാഷയും ഓര്‍മിക്കപ്പെടാനാണെന്ന് ടിബറ്റന്‍ കവി ടെന്‍സിന്‍ സ്യുണ്ട്യു. ഇന്ത്യയില്‍ ജനിച്ചു വളരുന്ന ഇന്ത്യക്കാരല്ലാത്ത ടിബറ്റന്‍ ജനതയ്ക്ക് അവരുടെ ഭാഷയുടെ സ്വാഭാവിക ചുറ്റുപാടികളില്ല. സ്വന്തം നാടിന്റെ വേരുകളില്ല. അധിനിവേശം നടത്തുന്ന ചൈനക്കെതിരെ ആയുധം കൊണ്ടല്ല, മഹത്തായ ഭാരതീയ ആദര്‍ശമായ അഹിംസ മുറുകെ പിടിച്ച് ഭാഷ കൊണ്ട് പ്രതിരോധിക്കാനാണ് തങ്ങള്‍ ശ്രമിക്കുന്നതെന്ന് സ്യുണ്ട്യു പറഞ്ഞു. ഇരിങ്ങാലക്കുട സെന്റ് ജോസഫ്‌സ് കോളജിലെ ഇംഗ്ലീഷ് അസോസിയേഷന്‍ ഡേ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
ഒരു എഴുത്തുകാരന്‍ സ്വന്തം ഭാഷയെയും സ്വത്വത്തെയും തിരിച്ചറിയേണ്ടതുണ്ട്. തന്റെ ശൈലിയെയും ശബ്ദത്തെയും തിരിച്ചറിഞ്ഞാലേ എഴുത്തു വഴികളില്‍ വേറിട്ടു നില്‍ക്കാനാവൂ. നിരീക്ഷണങ്ങളിലൂടെയും വ്യക്തമായ കാഴ്ചപ്പാടുകളിലൂടെയും സംവദിക്കാനാവണം. ക്രിയാത്മകവിമര്‍ശനങ്ങളിലൂടെ വേണം നല്ല എഴുത്തുകാര്‍ രൂപപ്പെടേണ്ടത് എന്ന് അദ്ദേഹം കൂട്ടിച്ചേര്‍ത്തു. ചടങ്ങില്‍ പ്രിന്‍സിപ്പല്‍ സിസ്റ്റര്‍ ഡോ. ബ്ലെസി അധ്യക്ഷത വഹിച്ചു. ഇംഗ്ലീഷ് വിഭാഗം മേധാവി ഡോ. സാജോ ജോസ്, ആന്‍മേരി അനില്‍, റെയ്ച്ചല്‍ റോസ്, അസോസിയേഷന്‍ സെക്രട്ടറി മറിയം ഹംസ എന്നിവര്‍ സംസാരിച്ചു. ബിരുദ ബിരുദാനന്തര വിഷയങ്ങളില്‍ കഴിഞ്ഞ വര്‍ഷം ഏറ്റവും കൂടുതല്‍ മാര്‍ക്കു വാങ്ങിയ നേഹ ഡേവിസ്, അഹ്‌സന മറിയം എന്നിവര്‍ക്ക് ഉപഹാരം സമ്മാനിച്ചു. യുജിസി ജെആര്‍എഫ് നേട്ടം സ്വന്തമാക്കിയ ആന്‍ജലീന ബിജു, യുജിസി നെറ്റ് നേടിയ ലയ കൃഷ്ണ, എന്നിവരെ ചടങ്ങില്‍ ആദരിച്ചു.
About Author
കളിയാരവങ്ങളില്ല, സൗഹൃദ കൂട്ടായ്മകളുമില്ല… മഹാത്മാ പാര്‍ക്കില്‍ ഇനി വാഴയും കുലക്കും 
ന്യായവില അപാകം പരിഹരിക്കണമെന്ന് കാട്ടി കളക്ടര്‍ ഉത്തരവിട്ടിരുന്നു: ഫലം കണ്ടത് അപാകതയ്‌ക്കെതിരായ പ്രതിഷേധം 
സെന്റ് ജോസ്ഫ് കോളജ് സ്വാശ്രയ വിഭാഗം കൊമേഴ്‌സ് അസോസിയേഷന്‍ ഉദ്ഘാടനം 
ജയിലില്‍ അടയ്ക്കല്‍ ബില്‍ ജനാധിപത്യത്തെ ഇല്ലായ്മ ചെയ്യാനുള്ള നീക്കത്തിന്റെ ഭാഗം- അഡ്വ. തോമസ് ഉണ്ണിയാടന്‍ 
കോമണ്‍വെല്‍ത്ത് ഗെയിംസില്‍ സെന്റ് ജോസഫ്‌സ് കോളജിന് തിളക്കം 
ലഹരിക്കെരിരെ മദര്‍ സ്‌കൂളുമായി മുരിയാട് പഞ്ചായത്ത് 
