കാപ്പ ലംഘിച്ച് ജില്ലയില്‍ പ്രവേശിച്ച കുപ്രസിദ്ധ ഗുണ്ട ജിന്റോ ജോണി അറസ്റ്റില്‍
ജിന്റോ ജോണി.
ആളൂര്‍: കാപ്പ ഉത്തരവ് ലംഘിച്ച് തൃശൂര്‍ ജില്ലയില്‍ പ്രവേശിച്ച കുപ്രസിദ്ധ ഗുണ്ട ആളൂര്‍ പൊന്മിനിശ്ശേരി വീട്ടില്‍ ജിന്റോപി എന്നു വിളിക്കുന്ന ജിന്റോ ജോണി (40) യെ അറസ്റ്റ് ചെയ്തു. ആറു മാസക്കാലത്തേക്ക് തൃശൂര്‍ ജില്ലയില്‍ പ്രവേശിക്കുന്നതിന് സഞ്ചലന നിയന്ത്രണ ഉത്തരവ് നിലനില്‍ക്കെ ഇരിങ്ങാലക്കുട സബ്ബ് കോടതിയില്‍ കേസിന്റെ വിചാരണക്കായി ഹാജരായി തിരികെ പോകുന്നതിന് മാത്രമായി 18 ന് തൃശൂര്‍ ജില്ലയില്‍ പ്രവേശിക്കുന്നതിന് അനുമതി വാങ്ങിയിരുന്നു. ഇതു പ്രകാരം ജില്ലയില്‍ പ്രവേശിച്ച് കോടതിയില്‍ ഹാജരാകാതെ ആളൂരുള്ള സുഹൃത്തിന്റെ വീട്ടില്‍ മദ്യപിച്ചിരിക്കുന്നതായി ജില്ലാ പോലീസ് മേധാവിക്ക് രഹസ്യ വിവരം ലഭിച്ചതിന്റെ അടിസ്ഥാനത്തിലാണ് ജിന്റോയെ അറസ്റ്റ് ചെയ്തത്. ജിന്റോ ജോണി രണ്ട് കവര്‍ച്ചക്കേസിലും, നാല് വധശ്രമക്കേസിലും, വീടികയറി ആക്രമണം നടത്തിയ ഒരു കേസിലും അടക്കം ഏഴ് ക്രമിനല്‍ കേസിലെ പ്രതിയാണ്. ആളൂര്‍ പോലീസ് സ്റ്റേഷന്‍ എസ്.ഐ. കെ.പി ജോര്‍ജ്, ജി.എസ്.ഐ മാരായ സുമേഷ്, ജയകുമാര്‍, ജി.എസ്.സി.പി.ഒ സുനീഷ് എന്നിവര്‍ ചേര്‍ന്നാണ് പ്രതിയെ അറസ്റ്റ് ചെയ്തത്.
About Author
കാര്‍ തട്ടിയതിനെ തുടര്‍ന്നുണ്ടായ തര്‍ക്കത്തില്‍ കാര്‍ യാത്രക്കാരനെ ആക്രമിച്ച കേസില്‍ രണ്ട് പ്രതികള്‍ അറസ്റ്റില്‍ 
പോലീസുദ്ദ്യോഗസ്ഥന്റെ ഡ്യൂട്ടി തടസ്സപ്പെടുത്തി; സ്റ്റേഷന്‍ റൗഡി അറസ്റ്റില്‍ 
റോഡില്‍ കാര്‍ പാര്‍ക്ക് ചെയ്തതിനെ തുടര്‍ന്നുള്ള വൈരാഗ്യത്താല്‍ ആക്രമണം സ്റ്റേഷന്‍ റൗഡിയും കൂട്ടാളികളും അറസ്റ്റില്‍ 
മോഷണക്കേസില്‍ ഒളിവിലായിരുന്ന പിടികിട്ടാപ്പുള്ളിയെ അറസ്റ്റ് ചെയ്തു 
സിനിമാ തിയറ്ററിന് മുന്നില്‍ വില്‍പന നടത്താനായി സൂക്ഷിച്ച് കഞ്ചാവുമായി രണ്ടു പേര്‍ അറസ്റ്റില്‍ 
മദ്യലഹരിയില്‍ ആക്രമിച്ച് പരിക്കേല്‍പ്പിച്ചു; ബന്ധു അറസ്റ്റില്‍ 
