അമ്മന്നൂര് ഗുരുകുലത്തിന്റെ മുപ്പത്തി ആറാമത് കൂടിയാട്ട മഹോത്സവം ആരംഭിച്ചു
ഇരിങ്ങാലക്കുട: ഗുരുകുലത്തിന്റെ വാര്ഷിക ആഘോഷമായ കൂടിയാട്ട മഹോത്സവം ഗുരുകുലത്തിലെ മാധവനാട്യ ഭൂമിയില് ആരംഭിച്ചു. മുന്സിപ്പല് ചെയര്പേഴ്സണ് സോണിയാ ഗിരി മഹോത്സവം ഉദ്ഘാടനം ചെയ്തു. ഗുരുകുലം പ്രസിഡന്റ് നാരായണന് നമ്പ്യാര് അധ്യക്ഷത വഹിച്ചു. വേണു ജി. ഭദ്രദീപം തെളിയിച്ചു. കാലടി ശങ്കരാചാര്യയൂസിറ്റിയിലെ അസിസ്റ്റന്റ് പ്രഫ. ആയ ഉഷാ നങ്ങ്യാര് അനുസ്മരണ പ്രഭാഷണം നടത്തി. ഗുരുകുലം വൈസ് പ്രസിഡന്റ് കലാമണ്ഡലം രാജീവ് സ്വാഗതവും, ഗുരുകുലം ട്രഷറര് സരിതാ കൃഷ്ണകുമാര് നന്ദിയും പറഞ്ഞു. തുടര്ന്ന് ഗുരുകുലം സംവിധാനം ചെയ്ത ദാസന്റെ പ്രതിമാനാടകത്തിലെ അഞ്ചാമങ്കമായ രാവണാങ്കം അരങ്ങേറി പഞ്ചവടിയില് ലക്ഷ്മണന് ഉണ്ടാക്കിയ ആശ്രമത്തില് അധിവസിക്കുന്ന രാമന്റെയും സീതയുടേയും അടുത്തേക്ക് സന്യാസ വേഷം ധരിച്ച രാവണന് എത്തുകയും അഛനായ ദശരഥന്റെ ശ്രാദ്ധകര്മ്മത്തിന് വൈഖാനസമൃഗമാണ് നല്ലതെന്ന് പറഞ്ഞ് രാമനെ വിശ്വസിപ്പിച്ച് ആ മൃഗത്തിനെ പിടിക്കാന് രാമന് പോയ സമയത്ത് സീതയെ അപഹരിക്കുന്നതുമാണ് കൂടിയാട്ടത്തിന്റെ കഥാഭാഗം.

37-ാമത് ഉപജില്ലാ സ്കൂള് കലോത്സവത്തില് മികച്ച വിജയം കരസ്ഥമാക്കി മൂര്ക്കനാട് സെന്റ് ആന്റണീസ് എല്പി സ്കൂള്
ഐടിയു ബാങ്ക്; തോമസ് ഉണ്ണിയാടന് എംഎല്എ ആര്ബിഐ റീജണല് ഡയറക്ടറുമായി കൂടിക്കാഴ്ച നടത്തി
ഗാര്ഹിക പീഡനങ്ങള്ക്കെതിരെ സ്ത്രീകള്ക്ക് ശബ്ദമുയര്ത്താം; സ്പീക് അപ്പ് പദ്ധതിക്ക് തൃശൂര് റൂറല് ജില്ലയില് തുടക്കമായി
ക്രൈസ്റ്റ് കോളജ് ആതിഥേയരായ ആര്ട്സ് കേരള കലോത്സവം സമാപിച്ചു
സെന്റ് ജോസഫ്സ് കോളജില് സെലെസ്റ്റാ സെസ്റ്റ് 2കെ26 സംഘടിപ്പിച്ചു
ഡോ. കെ.എന്. പിഷാരടി സ്മാരക കഥകളി ക്ലബ് ഒരുക്കിയ നവ്യം 2026ല് അശോകവനികാങ്കം കൂടിയാട്ടം അരങ്ങേറി