സംഗമേശ്വര കോംപ്ലക്‌സ് നിര്‍മാണം; അപാകതകള്‍ പരിശോധിക്കാന്‍ എത്തിയ സംഘം പരിശോധന നടത്താന്‍ കഴിയാതെ മടങ്ങി
കൂടല്‍മാണിക്യം ദേവസ്വം വക ഠാണാവിലുള്ള സംഗമേശ്വര കോംപ്ലക്‌സിന്റെ നിര്‍മാണത്തിലെ അപാകതകള്‍ പൊതുമരാമത്ത് സംഘം പരിശോധന നടത്താന്‍ എത്തിയപ്പോള്
ഇരിങ്ങാലക്കുട: കൂടല്‍മാണിക്യം ദേവസ്വം വക ഠാണാവിലുള്ള സംഗമേശ്വര കോംപ്ലക്‌സിന്റെ നിര്‍മാണത്തിലെ അപാകതകള്‍ പരിശോധിക്കാന്‍ കോടതി ഉത്തരവിന്റെ അടിസ്ഥാനത്തില്‍ എത്തിയ പൊതുമരാമത്ത് സംഘം പരിശോധന നടത്താന്‍ കഴിയാതെ മടങ്ങി. കോംപ്ലക്‌സിന്റെ താക്കോല്‍ കാണാനില്ല എന്ന മറുപടിയാണ് രാവിലെ പത്തിന് തന്നെ സ്ഥലത്ത് എത്തിയ പൊതുമരാമത്ത് കെട്ടിട വിഭാഗം ഉദ്യോഗസ്ഥര്‍ക്ക് ദേവസ്വം ജീവനക്കാരനില്‍ നിന്നും ലഭിച്ചത്.
കെട്ടിട നിര്‍മാണത്തിനായി തന്റെ കയ്യില്‍ നിന്നും 1,63,80,000 രൂപ ദേവസ്വം കൈപ്പറ്റിയെന്നും എന്നാല്‍ സമയ ബന്ധിതമായി കെട്ടിടനിര്‍മാണം പൂര്‍ത്തീകരിക്കാത്തതിന്റെ പേരിലും നിര്‍മാണത്തില്‍ ഉണ്ടായ കുറവുകളുടെ പേരിലും കെട്ടിടം ഉപയോഗിക്കാനോ വാടകയ്ക്ക് കൊടുക്കാനോ കഴിഞ്ഞില്ലെന്നും പണം തിരിച്ചു നല്‍കണമെന്നും ആവശ്യപ്പെട്ട് പ്രവാസി വ്യവസായിയും ഇരിങ്ങാലക്കുട കണ്‌ഠേശ്വരം സ്വദേശിയുമായ കാക്കര ജനാര്‍ദ്ദനന്‍ കോടതിയില്‍ നല്‍കിയ ഹര്‍ജിയെ തുടര്‍ന്നാണ് കോംപ്ലക്‌സിലെ നിര്‍മാണത്തിലെ അപാകതകള്‍ പരിശോധിക്കാന്‍ ഇരിങ്ങാലക്കുട സബ് കോടതി ഉത്തരവിട്ടത്.
പതിനൊന്ന് മണി വരെ കെട്ടിട വിഭാഗം അസി. എന്‍ജിനീയര്‍ പി.എസ്. സുജേഷ്്, ഓവര്‍സീയര്‍മാരായ സരിജ, നീതു എന്നിവര്‍ കാത്തു നിന്നെങ്കിലും കെട്ടിടത്തിന്റെ താക്കോലുമായി ദേവസ്വത്തില്‍ നിന്നും ആരും എത്തിയില്ല. ഇതു സംബന്ധിച്ച നോട്ടീസ് ദേവസ്വം അധികൃതര്‍ക്ക് നേരത്തെ തന്നെ നല്‍കിയിരുന്നതായി ഹര്‍ജിക്കാരന്റെ അഭിഭാഷകരായ അഡ്വ. മഹേഷ് മേനോന്‍ അറിയിച്ചു. പരിശോധന നടത്താന്‍ കഴിയാത്ത സാഹചര്യം വിശദീകരിച്ച് കോടതിക്ക് റിപ്പോര്‍ട്ട് നല്‍കുമെന്ന് പൊതുമരാമത്ത് വകുപ്പ് ഉദ്യോഗസ്ഥര്‍ അറിയിച്ചു. ഹര്‍ജിക്കാരനായ കാക്കര ജനാര്‍ദ്ദനനും സ്ഥലത്ത് എത്തിയിരുന്നു.
About Author
ആഫ്രിക്കന്‍ ഒച്ച്: ബക്കറ്റുകെണി ഉപയോഗിച്ച് കീഴ്‌പ്പെടുത്താമെന്ന് പഠനം 
കളിയാരവങ്ങളില്ല, സൗഹൃദ കൂട്ടായ്മകളുമില്ല… മഹാത്മാ പാര്‍ക്കില്‍ ഇനി വാഴയും കുലക്കും 
ന്യായവില അപാകം പരിഹരിക്കണമെന്ന് കാട്ടി കളക്ടര്‍ ഉത്തരവിട്ടിരുന്നു: ഫലം കണ്ടത് അപാകതയ്‌ക്കെതിരായ പ്രതിഷേധം 
സെന്റ് ജോസ്ഫ് കോളജ് സ്വാശ്രയ വിഭാഗം കൊമേഴ്‌സ് അസോസിയേഷന്‍ ഉദ്ഘാടനം 
ജയിലില്‍ അടയ്ക്കല്‍ ബില്‍ ജനാധിപത്യത്തെ ഇല്ലായ്മ ചെയ്യാനുള്ള നീക്കത്തിന്റെ ഭാഗം- അഡ്വ. തോമസ് ഉണ്ണിയാടന്‍ 
കോമണ്‍വെല്‍ത്ത് ഗെയിംസില്‍ സെന്റ് ജോസഫ്‌സ് കോളജിന് തിളക്കം 
