കേരളവും പഞ്ചാബും ക്ഷീരമേഖലയില്‍ കൈകോര്‍ക്കും: മന്ത്രി ചിഞ്ചുറാണി
തൃശൂര്‍ ജില്ലാ ക്ഷീരസംഗമത്തിന്‍റെ ഉദ്ഘാടനം മന്ത്രി ചിഞ്ചുറാണി നിര്‍വഹിക്കുന്നു.
ഇരിങ്ങാലക്കുട: ക്ഷീരോത്പാദനത്തില്‍ ഏറ്റവും മുന്നില്‍നില്‍ക്കുന്ന പഞ്ചാബും കേരളവും തമ്മില്‍ കൈകോര്‍ക്കുന്നതിന് പദ്ധതി ആവിഷ്‌കരിക്കുന്നതായി മന്ത്രി ചിഞ്ചുറാണി. തൃശൂര്‍ ജില്ലാ ക്ഷീരസംഗമത്തിന്‍റെ ഉദ്ഘാടനം നിര്‍വഹിച്ച് സംസാരിക്കുകയായിരുന്നു മന്ത്രി. കേരളത്തില്‍നിന്ന് മുറ ഇനത്തില്‍പ്പെട്ട എരുമ വര്‍ഗത്തിന്റെ ഉന്ന ഗുണനിലവാരമുള്ള ബീജം പഞ്ചാബിലേക്ക് എത്തിക്കുന്നതിനും അവിടെനിന്ന് അവിടെ ലഭ്യമായ ഉത്പാദനശേഷി കൂടിയ പശു ഇനങ്ങളെ കേരളത്തില്‍ എത്തിക്കുന്നതിനും പദ്ധതിയിടുന്നുണ്ട്.
കാര്‍ഷിക ഉത്പന്നങ്ങള്‍ റെയില്‍മാര്‍ഗം ഇങ്ങോട്ട് എത്തിക്കുന്നതുപോലെ കാലിത്തീറ്റയ്ക്ക് ആവശ്യമായ വസ്തുക്കളും റെയില്‍മാര്‍ഗം കേരളത്തിലേക്ക് എത്തിക്കുന്നതിന് സൗകര്യം ഒരുക്കിത്തരണമെന്ന് കേന്ദ്രത്തിനോട് ആവശ്യപ്പെട്ടിട്ടുണ്ട്. കേരളത്തില്‍ എല്ലാ ജില്ലകളിലും കിടാരി പാര്‍ക്കുകള്‍ ആരംഭിക്കുന്നതിന് കേന്ദ്രസഹായത്തോടുകൂടി പദ്ധതികള്‍ ആസൂത്രണം ചെയ്യുന്നതായും അതിനായി ഏകദേശം മൂന്നുകോടി രൂപ ലഭ്യമാക്കുന്നുണ്ടെന്നും മന്ത്രി കൂട്ടിച്ചേര്‍ത്തു.
വെള്ളാങ്കല്ലൂര്‍ ബ്ലോക്ക് പഞ്ചായത്ത് പ്രസിഡന്‍റ് സുധ ദിലീപ് അധ്യക്ഷത വഹിച്ചു. ജില്ല മൃഗസംരക്ഷണ ഓഫീസര്‍ ഡോ. ജിതേന്ദ്രകുമാര്‍, ക്ഷീരവികസന വകുപ്പ് ഡയറക്ടര്‍ ശാലിനി ഗോപിനാഥ്, എറണാകുളം മേഖല സഹകരണ ക്ഷീരോത്പാദക യൂണിയന്‍ ചെയര്‍പേഴ്‌സണ്‍ സി.എന്‍. വത്സലന്‍പിള്ള, കേരള ഫീഡ്‌സ് ചെയര്‍പേഴ്‌സണ്‍ കെ. ശ്രീകുമാര്‍, കെസിഎംഎംഎഫ് ഭരണസമിതി അംഗങ്ങളായ ടി.എന്‍. സത്യന്‍, താര ഉണ്ണികൃഷ്ണന്‍ എന്നിവര്‍ സസാരിച്ചു.
About Author
നൂറോളം ഇനം താമര, 75 ഇനം ആമ്പലുകള്‍…..വീടൊരു താമരക്കാട് 
പോക്‌സോ കേസിലെ പിടികിട്ടാപ്പുള്ളിയെ മധ്യപ്രദേശില്‍ നിന്നും പിടികൂടി 
പുല്ലൂര്‍ ചമയം നാടകവേദിയുടെ നാടകരാവ് 2025 സമാപിച്ചു 
കാട്ടൂരിലെ കുടിവെള്ള മലിനീകരണം: മണ്ണ് പരിശോധനാ ഫലം അട്ടിമറിക്കപ്പെടുമോ, ആശങ്കയില്‍ ജനങ്ങള്‍ 
കരുവന്നൂര്‍ ബാങ്ക്; നിക്ഷേപകന്‍ ബാങ്കിന്റെ കൗണ്ടറിലേക്ക് പെട്രോളൊഴിച്ചു, പ്രതിഷേധം പണം തിരികെ കിട്ടാത്തതില്‍ 
നിസ്വാര്‍ത്ഥ സേവനത്തിന്റെ പ്രതീകമാണ് ചന്ദ്രേട്ടന്‍- ജയരാജ് വാര്യര്‍ 
