ഇരിങ്ങാലക്കുട റെയില്‍വേ സ്റ്റേഷന്‍ ഭിന്നശേഷി സൗഹൃദമാക്കാന്‍ നിവേദനം
ഇരിങ്ങാലക്കുട റെയില്‍വേ സ്റ്റേഷന്‍.
കല്ലേറ്റുംകര: പ്രതിവര്‍ഷം 16 ലക്ഷത്തിലേറെ യാത്രക്കാര്‍ ആശ്രയിക്കുന്ന ഇരിങ്ങാലക്കുട റെയില്‍വെ സ്റ്റേഷന്‍ ഭിന്നശേഷി സൗഹൃദമാക്കണമെന്നാവശ്യം. കൂടല്‍മാണിക്യം ക്ഷേത്രം, കൊടുങ്ങല്ലൂര്‍ ഭഗവതീക്ഷേത്രം, ചേരമാന്‍ ജുമാ മസ്ജിദ്, താഴെക്കാട് സെന്റ് സെബാസ്റ്റ്യന്‍സ് പള്ളി, താഴെക്കാട് മഹാദേവ ക്ഷേത്രം എന്നിവിടങ്ങളിലേക്കുള്ള തീര്‍ഥാടകരും വയോജനങ്ങള്‍, വിദ്യാര്‍ഥികള്‍, ഭിന്നശേഷിക്കാര്‍ ഉള്‍പ്പടെ നൂറുകണക്കിന് യാത്രക്കാരുമാണ് ദിവസവും സ്റ്റേഷനെ ആശ്രയിക്കുന്നത്.
കൂടാതെ ഭിന്നശേഷിക്കാര്‍ക്കായുള്ള പ്രമുഖ ദേശീയ തല പുനരധിവാസ കേന്ദ്രമായ നാഷണല്‍ ഇന്‍സ്റ്റിറ്റ്യൂട്ട് ഓഫ് ഫിസിക്കല്‍ മെഡിസിന്‍ ആന്‍ഡ് റീഹാബിലിറ്റേഷന്‍ (നിപ്മര്‍) സ്റ്റേഷനില്‍നിന്ന് കഷ്ടിച്ച് ഒരു കിലോമീറ്റര്‍ അകലെയാണ് പ്രവര്‍ത്തിക്കുന്നത്. സംസ്ഥാനത്തിനകത്തും പുറത്തുനിന്നുമായി നിപ്മറിലേക്കെത്തുന്ന കുട്ടികള്‍, യുവാക്കള്‍, രോഗികള്‍ ഉള്‍പ്പടെ നൂറുകണക്കിന് ഭിന്നശേഷിക്കാരും വൈകല്യമുള്ളവരും ഈ സ്റ്റേഷനെയാണ് ആശ്രയിക്കുന്നത്.
അവര്‍ക്ക് സ്റ്റേഷനിലേക്കുള്ള പ്രവേശനം പ്രധാന വെല്ലുവിളിയാണ്. ഇരിങ്ങാലക്കുട റെയില്‍വേ സ്റ്റേഷനെ പൂര്‍ണമായും ഭിന്നശേഷി സൗഹൃദ സ്റ്റേഷനാക്കുന്നതിന് നടപടികള്‍ സ്വീകരിക്കണം. ശൗചാലയങ്ങള്‍, എസ്‌കലേറ്ററുകള്‍, ലിഫ്റ്റുകള്‍ തുടങ്ങിയവയും സ്ഥാപിക്കണം. ഇതുമായി ബന്ധപ്പെട്ട് വോയ്സ് ഓഫ് ഡിസേബിള്‍ഡ് തൃശൂര്‍ ജില്ലാ കമ്മിറ്റി റെയില്‍വേ മന്ത്രി അശ്വിനി വൈഷ്ണവ്, കേന്ദ്രമന്ത്രി സുരേഷ് ഗോപി, സതേണ്‍ റെയില്‍വേ ജനറല്‍ മാനേജര്‍ എന്നിവര്‍ക്ക് നിവേദനം നല്‍കി.
About Author
നൂറോളം ഇനം താമര, 75 ഇനം ആമ്പലുകള്‍…..വീടൊരു താമരക്കാട് 
പോക്‌സോ കേസിലെ പിടികിട്ടാപ്പുള്ളിയെ മധ്യപ്രദേശില്‍ നിന്നും പിടികൂടി 
പുല്ലൂര്‍ ചമയം നാടകവേദിയുടെ നാടകരാവ് 2025 സമാപിച്ചു 
കാട്ടൂരിലെ കുടിവെള്ള മലിനീകരണം: മണ്ണ് പരിശോധനാ ഫലം അട്ടിമറിക്കപ്പെടുമോ, ആശങ്കയില്‍ ജനങ്ങള്‍ 
കരുവന്നൂര്‍ ബാങ്ക്; നിക്ഷേപകന്‍ ബാങ്കിന്റെ കൗണ്ടറിലേക്ക് പെട്രോളൊഴിച്ചു, പ്രതിഷേധം പണം തിരികെ കിട്ടാത്തതില്‍ 
നിസ്വാര്‍ത്ഥ സേവനത്തിന്റെ പ്രതീകമാണ് ചന്ദ്രേട്ടന്‍- ജയരാജ് വാര്യര്‍ 
