ജൈവ വൈവിധ്യ പുരസ്‌കാരം ക്രൈസ്റ്റ് കലാലയം ഏറ്റുവാങ്ങി
സംസ്ഥാന സര്‍ക്കാരിന്റെ ജൈവ വൈവിധ്യ പുരസ്‌കാരം കേരള നിയമസഭ സ്പീക്കര്‍ എ.എന്‍. ഷംസീറില്‍ നിന്ന് ക്രൈസ്റ്റ് കോളജ് മാനേജര്‍ ഫാ. ജോയ് പീണിക്കപ്പറമ്പില്‍, പ്രിന്‍സിപ്പല്‍ റവ.ഡോ. ജോളി ആന്‍ഡ്രൂസ്, അധ്യാപകനായ ഡോ. സുബിന്‍ കെ. ജോസ് എന്നിവര്‍ ചേര്‍ന്ന് ഏറ്റുവാങ്ങുന്നു.
ഇരിങ്ങാലക്കുട: സംസ്ഥാന സര്‍ക്കാരിന്റെ ജൈവ വൈവിധ്യ പുരസ്‌കാരം ഇരിങ്ങാലക്കുട ക്രൈസ്റ്റ് കോളജ് ഏറ്റുവാങ്ങി. കേരള നിയമസഭ ഹാളില്‍ സംഘടിപ്പിച്ച ചടങ്ങില്‍ കേരള നിയമസഭ സ്പീക്കര്‍ എ.എന്‍. ഷംസീറില്‍ നിന്ന് കോളജിനുവേണ്ടി മാനേജര്‍ ഫാ. ജോയ് പീണിക്കപ്പറമ്പില്‍, പ്രിന്‍സിപ്പല്‍ റവ.ഡോ. ജോളി ആന്‍ഡ്രൂസ്, അധ്യാപകനായ ഡോ. സുബിന്‍ കെ. ജോസ് എന്നിവര്‍ ചേര്‍ന്ന് അവാര്‍ഡ് ഏറ്റുവാങ്ങി. സംസ്ഥാന വനം- വന്യജീവി വകുപ്പ് മന്ത്രി എ.കെ. ശശിധരന്‍ സന്നിഹിതനായിരുന്നു.
ജൈവവൈവിധ്യ സംരക്ഷണ രംഗത്ത് നടത്തിവരുന്ന പ്രവര്‍ത്തനങ്ങളുടെയും വിജയകരമായ പരീക്ഷണങ്ങളുടെയും അടിസ്ഥാനത്തിലാണ് ക്രൈസ്റ്റ് കലാലയം അവാര്‍ഡിന് അര്‍ഹമായത്. പരിസ്ഥിതി സംരക്ഷണം, ജൈവവൈവിധ്യ സംരക്ഷണ മേഖലയില്‍ സൃഷ്ടിച്ച പുതുമ, ശാസ്ത്രീയ മാര്‍ഗങ്ങളിലൂന്നിയ പ്രകൃതിസംരക്ഷണം എന്നിവയ്ക്കുള്ള അംഗീകാരമാണ് ക്രൈസ്റ്റ് കോളജിന് ലഭിച്ച അവാര്‍ഡ്.
വൈവിധ്യമാര്‍ന്ന സസ്യജാലങ്ങള്‍ തണല്‍ വിരിക്കുന്ന ക്യാമ്പസ് പൂര്‍ണമായും പരിസ്ഥിതി സൗഹാര്‍ദമാണ്. സീറോ വേസ്റ്റ് ക്യാമ്പസ്, കാര്‍ബണ്‍ ന്യൂട്രല്‍ ക്യാമ്പസ്, അഗ്രോ ഇന്നവേഷന്‍ പാര്‍ക്ക് എന്നിവ ക്രൈസ്റ്റിന്റെ വ്യതിരിക്തതകളാണ്. ക്രൈസ്റ്റ് കോളജില്‍ കുട്ടികളുടെയും അധ്യാപകരുടെയും മേല്‍നോട്ടത്തില്‍ നടത്തിവരുന്ന ഹരിതാഭമായ അഗ്രോ ഇന്നോവേഷന്‍ പാര്‍ക്കില്‍ ആധുനികതയും പഴമയും ഇഴചേര്‍ന്നുള്ള ജൈവവൈവിധ്യ സംരക്ഷണ പ്രവര്‍ത്തനങ്ങളാണ് നടത്തുന്നത്.
About Author
മുരിയാടിന്റെ മുടിച്ചിറ മുടിഞ്ഞു തന്നെ; വീണ്ടും ഫണ്ട് അനുവദിച്ചിട്ട് ഒരു വര്‍ഷം, കോണ്‍ഗ്രസ് പ്രക്ഷോഭത്തിലേക്ക് 
ക്രൈസ്തവ ജീവിത പൂര്‍ണത സ്‌നേഹം പങ്ക് വയ്ക്കുന്നതിലൂടെ: ബിഷപ് മാര്‍ പോളി കണ്ണുക്കാടന്‍ 
അപകട യാത്രക്ക് പ്രോത്സാഹനം നല്‍കാനാകരുത്ത് പകരം സുരക്ഷിത യാത്രക്ക് വേണ്ടിയാകണം- റെയില്‍വേ സ്റ്റേഷന്‍ വികസന സമിതി 
കൈരളി നാട്യ കലാക്ഷേത്രം നൃത്ത വിദ്യാലയം- ഓട്ടന്‍തുള്ളല്‍ പഠന കളരിയുടെ നാല്‍പ്പത്തിമൂന്നാം വാര്‍ഷികം സംഘടിപ്പിച്ചു 
ഇരിങ്ങാലക്കുട നഗരസഭ പരിധിയിലെ കുടിവെള്ള ശ്യംഖല ശക്തിപ്പെടുത്താന്‍ ലക്ഷ്യമിട്ടുള്ള 13.5 കോടി രൂപയുടെ അമൃത് പദ്ധതി അന്തിമഘട്ടത്തില്‍ 
പൂമംഗലം ഗവ. ആയുര്‍വേദ ഡിസ്പെന്‍സറിയുടെ നേതൃത്വത്തില്‍ വനിതകളുടെ സൗജന്യ യോഗ പരിശീലന പദ്ധതി ആരംഭിച്ചു 
