പല്ലാവൂര് താളവാദ്യ മഹോത്സവം തുടങ്ങി
പദ്മജ്യോതി പുരസ്കാരം ഭരതനാട്യ നര്ത്തകി കലൈമാമണി പ്രിയദര്ശിനി ഗോവിന്ദനു പത്മശ്രീ മട്ടന്നൂര് ശങ്കരന്കുട്ടി മാരാര് സമ്മാനിക്കുന്നു.
ഇരിങ്ങാലക്കുട: കൂടല്മാണിക്യം ക്ഷേത്രം കിഴക്കേനടയില് എട്ടുവരെ നടക്കുന്ന പല്ലാവൂര് താളവാദ്യ മഹോത്സവത്തിന് തുടക്കമായി. കേരള സംഗീത നാടക അക്കാദമി ചെയര്മാന് മട്ടന്നൂര് ശങ്കരന്കുട്ടി മാരാര് ഉദ്ഘാടനം ചെയ്തു. കാഷ് അവാര്ഡും പ്രശസ്തിപത്രവും പൊന്നാടയുമടങ്ങുന്ന പദ്മജ്യോതി പുരസ്കാരങ്ങള് ഭരതനാട്യ നര്ത്തകി കലൈമാമണി പ്രിയദര്ശിനി ഗോവിന്ദിനും മൃദംഗവിദ്വാന് നെല്ലായ് ഡി. കണ്ണനും മട്ടന്നൂര് സമ്മാനിച്ചു. തൃപ്പേക്കുളം പുരസ്കാരം വലംതല പ്രമാണി പിണ്ടിയത്ത് ചന്ദ്രന് നായര്ക്കും പല്ലാവൂര് ഗുരുസ്മൃതി പുരസ്കാരം പഞ്ചവാദ്യ പ്രാമാണികന് പരയ്ക്കാട് തങ്കപ്പന് മാരാര്ക്കും പ്രവാസി വ്യവസായി ടി. വേണുഗോപാല് മേനോനും ഗുരുദക്ഷിണ പുരസ്കാരങ്ങള് ഇടയ്ക്കവിദ്വാന് കുഴൂര് വിജയന് മാരാര്, തിമില കലാകാരന് കാവശ്ശേരി കുട്ടികൃഷ്ണ പിഷാരടി എന്നിവര്ക്ക് യുഎസ്എ ഡെട്രായൂട്ട് കലാക്ഷേത്ര ഡയറക്ടര് രാജേഷ് നായരും സമ്മാനിച്ചു. ദേവസ്വം ചെയര്മാന് സി.കെ. ഗോപി അധ്യക്ഷനായി. കലാമണ്ഡലം മുന് ഡെപ്യൂട്ടി രജിസ്ട്രാര് വി. കലാധരന് പല്ലാവൂര് തൃപ്പേക്കുളം അനുസ്മരണ പ്രഭാഷണം നടത്തി. ദേവസ്വം ഭരണസമിതി അംഗം കെ. അജയകുമാര്, കലാമണ്ഡലം ശിവദാസന്, കണ്ണമ്പിള്ളി ഗോപകുമാര് എന്നിവര് പ്രസംഗിച്ചു. തുടര്ന്ന് സദനം ഭരതരാജന്, കലാമണ്ഡലം വൈശാഖ്, കലാമണ്ഡലം ശ്രീജിത്ത് എന്നിവരുടെ മദ്ദളകേളി അരങ്ങേറി.
About Author
വൈദ്യുതി തകരാര് പരിഹരിക്കുന്നതിനിടെ ഷോക്കേറ്റ് ലൈന്മാന് മരിച്ചു 
ഇന്ദിരാ ഗ്യാരണ്ടി നടപ്പാക്കാനുള്ളത് നടപ്പാക്കുക തന്നെ ചെയ്യുമെന്ന് അഡ്വ. തോമസ് ഉണ്ണിയാടന് എംഎല്എ 
ഇവിടെ നിന്ന് പടരാം പുതിയ മാരകരോഗങ്ങള്; മാലിന്യക്കൂമ്പാരമായി നഗരത്തിലെ തോടുകള് 
യുവാവിന്റെ മരണം, ഷിഗെല്ല ബാധിച്ചാണെന്ന് സ്ഥിരീകരണം 
വിശ്വാസപരിശീലകര് ജീവിതംകൊണ്ട് സംസാരിക്കുന്നവരാകണം, മേജര് ആര്ച്ച് ബിഷപ്പ് മാര് റാഫേല് തട്ടില് 
കെഎസ്ആര്ടിസി സ്ത്രീ സൗജന്യ യാത്ര; പൊറത്തിശേരി മണ്ഡലം കോണ്ഗ്രസ് കമ്മിറ്റി സ്വീകരണം നല്കി