പൂതംകുളം-ക്രൈസ്റ്റ് കോളജ് ജംഗ്ഷന്‍ റോഡ്, കോണ്‍ക്രീറ്റിംഗ് പൂര്‍ത്തിയായി
കൊടുങ്ങല്ലൂര്‍ ഷൊര്‍ണൂര്‍ സംസ്ഥാനപാത വികസനത്തിന്റെ ഭാഗമായി കോണ്‍ക്രീറ്റിംഗ് പൂര്‍ത്തീകരിച്ച ഇരിങ്ങാലക്കുട പൂതംകുളം ജംഗ്ഷന്‍ മുതല്‍ ക്രൈസ്റ്റ് കോളജ് ജംഗ്ഷന്‍ വരെയുള്ള ഭാഗം.
ഇരിങ്ങാലക്കുട: കൊടുങ്ങല്ലൂര്‍ ഷൊര്‍ണൂര്‍ സംസ്ഥാനപാത വികസനത്തിന്റെ ഭാഗമായി നഗരത്തിലെ പൂതംകുളം ജംഗ്ഷന്‍ മുതല്‍ ക്രൈസ്റ്റ് കോളജ് ജംഗ്ഷന്‍ വരെയുള്ള ഭാഗത്തെ കോണ്‍ക്രീറ്റിംഗ് പൂര്‍ത്തീകരിച്ചു. ക്രൈസ്റ്റ് കോളജ് ജംഗ്ഷന്‍ മുതല്‍ പൂതംകുളം ജംഗ്ഷന്‍ വരെയുള്ള റോഡുഭാഗം നാളെ മുതല്‍ വീണ്ടും ഗതാഗതത്തിന് തുറന്നുകൊടുക്കുമെന്ന് മന്ത്രി ഡോ. ആര്‍. ബിന്ദു അറിയിച്ചു. ഷൊര്‍ണൂര്‍ കൊടുങ്ങല്ലൂര്‍ ദേശീയപാതയിലെ പ്രവൃത്തികള്‍ക്കായാണ് റോഡ് അടച്ചിരുന്നത്. കെഎസ്ടിപിയുടെ കോണ്‍ക്രീറ്റ് റോഡ് നിര്‍മ്മാണം പൂര്‍ത്തിയായ സാഹചര്യത്തില്‍ റോഡിന്റെ ഭാഗം വീണ്ടും ഗതാഗതത്തിന് തുറന്നുകൊടുക്കുന്നത് മന്ത്രി ഡോ. ബിന്ദു പറഞ്ഞു. അടുത്ത ഘട്ടമായി ക്രൈസ്റ്റ് കോളജ് ജംഗ്ഷന്‍ മുതല്‍ മാപ്രാണം വരെ പുരോഗമിക്കുന്ന പ്രവൃത്തികള്‍ പൂര്‍ത്തീകരിക്കുമെന്ന് മന്ത്രി ബിന്ദു അറിയിച്ചു.
നിലവിലെ ഗതാഗതനിയന്ത്രണത്തിന് തുടര്‍ന്ന് മാറ്റം വരും മന്ത്രി പറഞ്ഞു. റോഡിന്റെ പടിഞ്ഞാറേ വശത്തുകൂടി ശുദ്ധജല പൈപ്പുകള്‍ ഇട്ട് ഗാര്‍ഹിക കണക്ഷനുകള്‍ താല്‍ക്കാലികമായി പുനഃസ്ഥാപിക്കുന്ന പ്രവര്‍ത്തനങ്ങള്‍ ആരംഭിക്കും. ഒരുവശത്ത് കൂടി വാഹനങ്ങള്‍ കടത്തിവിട്ടു തുടങ്ങിയാല്‍ കാന നിര്‍മാണവും റോഡിന്റെ വശങ്ങളില്‍ ടൈല്‍ വിരിക്കുന്ന പ്രവൃത്തികളും ആരംഭിക്കും. മാപ്രാണം മുതല്‍ ക്രൈസ്റ്റ് കോളജ് ജംഗ്ഷന്‍ വരെയുള്ള ഭാഗത്തും റോഡിന്റെ വശങ്ങളിലൂടെ ശുദ്ധജല പൈപ്പുകള്‍ ഇട്ട് ഗാര്‍ഹിക കണക്ഷനുകള്‍ താല്‍ക്കാലികമായി പുനഃസ്ഥാപിക്കുന്ന പ്രവര്‍ത്തനങ്ങള്‍ പൂര്‍ത്തീകരിച്ച ശേഷമാകും മറ്റു പൈപ്പിടലും തുടര്‍ന്നുള്ള പ്രവൃത്തികളും ആരംഭിക്കുകയുള്ളൂ.
About Author
ഇരിങ്ങാലക്കുട രൂപത സിഎല്‍സി പ്രസംഗമത്സരം: ബ്രൈറ്റ ബാബു, ജെസ്‌നി ജോയ് ജേതാക്കള്‍ 
മൂന്നു ഗുണ്ടകളെ പോലീസ് കാപ്പ ചുമത്തി നാടുകടത്തി 
വൈദ്യുതി നിരക്ക് വര്‍ദ്ധന: ആം ആദ്മി പാര്‍ട്ടി പിണറായി വിജയന്റെ കോലം കത്തിച്ചു 
കോമ്പാറ ദനഹ ഫെസ്റ്റ് സ്വാഗത സംഘം ഓഫീസ് ഉദ്ഘാടനം ചെയ്തു 
കല്ലേറ്റുംകര ബിവിഎം ഹൈസ്‌കൂള്‍ സാന്ത്വന ഭവനത്തിന് തറക്കല്ലിട്ടു 
ക്രൈസ്റ്റ് എന്‍ജിനീയറിംഗ് കോളജില്‍ എഐസിടിഇ അധ്യാപക ശില്പശാല 
